Barokah
Para hadirin رَحِمَكُمُ
الله
E delem kasempatan mangken kaule
bhekal acareta tentang santre konase olle berokana Ghuruna…
Ghik jeman dhimin bede settong santre
se ngajhi ka settong kyae. Amit ka kyaena taretan kaangghuy ngajhi ”kyae kaule
ngajhie ka ajunan ngibe`e ketab napa kyae??”. Se kyae ngocak, “bekna tak usah
ngajhi ketab ghellu cong, mara molae sateya bekna asapoan bhei yeh.!!.” olle
pan saponapan bulen Abdul kainto asapoan aretan. Settong are epanggil bik
kyaena,”dull,, abdull..??” “kainto kyae“, “ bekna sateya la lulus se asapoan”. “Engghi
kyae, pas ngajhie ketab ponapa samangken kule kyae??? “.” Entek gellu jhek
dulli ngajhie ketab ghellu bekna, sate bekna ngare’agi sape ben jherenna engkok
yee??” Pas abdul ngocak,” engghi kyae”. Olle pan berempan bulen epanggil pole
abdul taretan. “Duuul abduul??” Cakna kyaena. “Engghi kyae”, jeweb abdul. “Bekna
sateya la lulus masalah ngarek yeh,!” cakna kyaea. “Engghi, pas abdhina ngajhie
ketab napa samangken kyae??” Atanya abdul.
Abdul atanya ebile sengetabhe, paningnga
se anyama abdul nika molae awal ngajhi tak pernah eyajheri ngajhi ketab sakale.
Tak oning beramma manabi santree samangkan tak eyajheri ngajhi sakalee perak
esoro ngarek, asapoan malolo. Beremma kerana ghii?? Huhh tak bias membyangkan
kulee… tantona ngocak eppak ben ebhune, “ella lah ambu cong ngalle bhei ngajhie
mon perak erosoroa malolo, tak ngajhi kea”. Engghi napa bhunten??
Se abdul bhunten taretan, malah
ghik erosoro pole sareng kyaena.”Bekna molae lagghuna demar epondhuk, elanggher
, ben e masjid bekna sengodi`i yeh!!” Bayangkan demarra calopakan tantaretan.
Ampon elaksana`aghi bik abdul nika. E settong malem abdul nika taketas tak
ngodi`I lampu paningnga tatedung.pas kyaena moroka santrena selaenpetteng tak
nemmu lampu. Esare se abdul, “duuuulll.. abduuull.. edimma be`en bede dimma
cong?.” Empon se abdull abheledes jhege, sambi ajeweb panggilan kyaena “kaintoo
kyaee.”, “ Beremma cong rea lampuna??” Anika pas terjadi keajaiban taretan,
lampuna se gun perak eyabhes sareng abdul lansung odhik dhibik taretan.
Subhanallah …. Pas adhebu se kyae, mon bekna sateya la lulus cong bekna pas
mole la cong ka bengkona, depak kabengkona bekna bhekal deddhi oreng se alem.
Para hadirin sebedhen kaule
amolje`aghi…
Ternyata lerres taretan abdul
saellana paleman pas alem ongghu penter ngajhi, maca ketab, ben sapadhena..
dheri careta seampon ecareta’agi bhuru bias eataoe jhek santre lambhek
abhektena ka ghuruna jhek luar biasana, milana ngireng manabi erosoro kyae
otabhe ustad jhek ngo’ngo’an ghiii buk,,, ghii paakk… malle potra potrena
panjennengan elmona Barokah taretan.
Amin amin ya robbal àlamin…
وَبِا للهِ تَوْفِقْ وَ ا لْهِدَ يَهْ وَالسَّلَا مُ عَلَيْكُمْ وَرَحْمَةُ
ا للهِ وَبَرَ كَا تُهْ
tulisan baru kami Bahasa Madura tentang Peristiwa Mulia Isra' Mi'raj klik ini ya BISMILLAH
Comments
Post a Comment